لوحة الاعلانات

الإهداءات

آخر 20 مواضيع مثبته صناعة المازر بورد داخل أكبر مصانع الماذر بورد في العالم (الكاتـب : robinhood - )           »          قسم طلبات الكراك والسيريال <<<<< welecom (الكاتـب : عماد ابوالوفا - )           »          مواعيد بداية الكورسات الجديدة . . (الكاتـب : Webmaster - )           »          كل شيئ عن أنظمة Linux & Unix نأمل من الجميع المشـاركه . (الكاتـب : العمده نت - )           »          حل مشكله بطاريه الافوميتر للأبد . . بخمسة جنيه فقط . . (الكاتـب : robinhood - )           »          كيفية تعريف أي كارت شاشة أو صوت أو شبكة وجميع مكونات المزر بورد (الكاتـب : robinhood - )           »          صور نادرة للكون توضح هيبة وعظمة الخالق‏ . (الكاتـب : a - )           »          موسوعه اعطال وإصلاح المازربورد بالتفصيل .. أكثر من 100 عطل. . (الكاتـب : kano - )           »          جميع المواقع وفهرس كامل للانترنت وكل شىء تتخيلة للنت موجود هناا؟؟؟ مهم جدا !شئ خيالي (الكاتـب : مؤيد - )           »          ملتقى المتدربين (الكاتـب : somsom - )           »          المصحف المجود المرمز بالألوان نسخة الكترونية بمواصفات رائعة بالصور (الكاتـب : العمده نت - )           »          شرح مفصل لدوائر المازربورد بالصور .. (الكاتـب : robinhood - )           »          صيانة بوردة الهارد ديسك الاسموس من البداية للنهاية (الكاتـب : robinhood - )           »          دورات صيانة احترافية للمازربورد واللابتوب وشاشات الكريستال والطابعات وماكينات التصوير (الكاتـب : a - )           »          دورات صيانة المزربورد والشاشات والتلفزيون والطابعات والهاردديسك واللابتوب وكذلك صيانة الطابعات... (الكاتـب : admin - )           »          دورات صيانة المزربورد والشاشات والطابعات وماكينات تصوير المستندات، واللابتوب وكذلك صيانة الطابعات... (الكاتـب : جناب الكوماندا المهم - )           »          شرح شحن سوفت الرامات على المبرمجه بالصورة. , (الكاتـب : kano - )           »          دورة صيانة مازر بورد وLCD وشاشات ولابتوب وطابعات من egy4tec.com (الكاتـب : جناب الكوماندا المهم - )           »          كورسات ودورات صيانه مازربورد وشاشات LCD وطابعات وهارد ديسك من egy4tec.com (الكاتـب : جناب الكوماندا المهم - )           »          كيفية وضع المشاركات بالمنتدى (الكاتـب : aldomiaty - )



منتدى الكوميديا والمرح يختص بكل الروايات والقصص الكوميدية والتعليقات المرحة

 
قديم 10-24-2007, 11:20 PM   المشاركة رقم: 1
الكاتب
عضو مبتدئ *
المعلومات  
التسجيل: Oct 2007
العضوية: 635
المشاركات: 28
بمعدل : 0.01 يوميا
الإتصال midotop غير متواجد حالياً


المنتدى : منتدى الكوميديا والمرح
Exclamation


شاركنا الموضوع من فضلك لنشر الفائدة، واضغط مشاركة بالأسفل
Like

(كلاوي)..

تحذير هام
القصه دي اساسا متخلفه
العقلاء يمتنعون
و انا مش مسئول لو في اخر القصه حصلك كده ..


ياسلام عليه واد
تحسوا كده من اسمه انه هو.........
ان هو..
.. ان اسمه كلاوى

(كلاوي)متدرب احسن تدريب.....يجيد استخدام جميع انواع الاسلحه..

من سكينه الحلاوه ..لحد النبله

و يجيد جميع فنون القتال

من اول "اضرب و جري....الي حتي بعد ما يجرى"

و ده بالاضافه الي انه ساقط اعداديه

و بيتكلم لغات كمان

عربي ..عربي مكسر ..عربى ألدغ....عربى متهته... الخ الخ

و بارع جدا في قياده
العجل ....الدراجات...بسكلتة
ماهو العجل انواع برضة..

........................ياه كانت ايام حلوه .كان الواحد يركب العجله

و ماسك السندويتش كده
جبنه رومي بقي و مفتقة السودة دى
وقاعد ياكل كده و يسوق كده
كده . و.يعني تحس انه يعني ...ها
و السندوتش بتاعه لوحده كده
يخلصه لوحده كده.
.و ماحدش من العيال التخينه ياكلو منه
...........................
الي جانب مهارات اخري متعدده

لقد اجمع الكل علي ان (كلاوي)ابن (كباكو المشقلط )
من المستحيل اننا نلاقي زيه فى الزمن ده
و في السن ده 20 سنه بس ياااااه
لكن (كلاوي ) اتحدي المستحيل

و استحق عن جداره ذلك اللقب الذي اطلقته عليه الحاره و الشوارع المجاوره
لقب.........................

(زوارق و مخابىء)

.............................واحد منكم يجي يسألني و يقولي

...يعني ايه .(زوارق و مخابىء)؟

اقوله
معــــرفش

لكن يعني اي حاجه زورقة و لابسه ازرق ومستخبية

الفصل الاول من حياة كلاوى

يوم حالك بالظلام

و السماء ملبده بالغيوم

و (كلاوي)نايم في امان الله

واذا بهذا الصوت الرهيب .الذي انتفضت له ضلوع (كلاوي) مع احساس انه وقع في بلاعة

بدأت عيون (كلاوي ) المعمصه تتحقق من الصوره رويدا رويدا
انه
انه....................
و فجأه
(كراك)...........قفا محترم

كلاوي: ليه كده يابا

_الاب: حد ينام لغايه الساعه اربعه العصر يا حمار

_كلاوي:اعمل ايه ياعني مانا نايم متأخر
_و تنام متأخر ليه ياااض ..

_ظروف بقي يابا أله!
_و كمان بترد عليا

(كرااااااااك)...........

_كلاوي:اه ه ه ه ه ه ه ه ه ه ه ه ه ه.........ليه كده بقي يابابا

_قوم ياض انزل هتلي عشا

_دي الساعه اربعه يابا....في عشا دلوقتي..

_و كمان مش عايز تجيبلى عشا عشان افطر
طاااااااااااااااااااااااااااااااااخ

كلاوى: و بخطوات مسرعه غادر اباه الغرفه وبيقول: الراجل ده مجنون ولا ايه عشا ايه اللى اجيبهوله عشان يفطر ده دى عيلة حوش ..شوفاج..

قام (كلاوي) .وراح لابس البيجامه ولبس فردة شبشب ورجليه التانية لبس جزمة

والمعفن حتي من غير مايغسل وشه

وراح واخد الفلوس..و نزل

عمال يتمخطر علي السلم واحده واحده وفردة الجزمة والشبشب كل شوية يزحلقوا منه

فأذا بهذا الصوت يأتي مره أخري..كلاووووووووووووووووى

_
كلاوي: الصوت ده ومش غريب عليا
انا سمعته قبل كده...............


طاااااااخ
......
ابوه: انتا لسه واقف ياض ياغبى عندك

بقولك جعان ..جعااااااااااااااااااان..جعاااااااااااااااااااااا اااااااااااااان


...فأذا (بكلاوي) مخضوض من منظر ابوه لحسن ياكله وراح يجري مثل الحمار الحصاوي
و اذا بمدخل العماره يقترب يقترب
_ كلاوي: الحمد لله .نفدت.من مصاص الدماء


ماشي (كلاوي ) في حاله رايح يجيب العشا

وبعد مجاب العشا وهو راجع

فاذا بثلاث شباب يقفون علي مرمي البصر وقد لاحت في اعينهم ملامح الشر

(كلاوي) يقترب .يقترب. يقترب
يقترب يقترب يقترب

يقترب..
و

...........................................

طااااااااااااااااااااااااااااااااااااااااااخ...... ............


_ احد الشباب اللى ضرب كلاوى على قفاه : طلع الفلوس الي معاك ياض.

_(كلاوي): ايه يا بشمهندسسين ...بقي دي معامله ولاد الحته الواحده برضة

طااااااااااااخ..............................

_واحد اخر من الشباب : اه ..في حاجه..

_(كلاوي) :لا يا بشمهندس مافيش حاجه..
انا بتأكد بس.لكن حضرتك شكلك مش من المنتيقة دى يعنى اضرب عادى جدا عشان انت بس مش الحتة هنا

تصدق بقي ........دي احسن معامله.. اه والله

انا كان نفسي اتعاملها من زمان...اه ده كان حلم مستقبلى
لا بصراحه حاجه حلوه
حلوه بجد يعني
حاجة حلوة بصراحة يعنى بجد
حاجة لذيذة

ربنا يقويكوا علي الشر يا حبايب قلبي..

_ (احد الشباب) :ما خلاص بقى ياض انت..
ايه الي معاك ده..ورينى

_(كلاوي): ده ظباتا ..سعدتك

_(احد الشباب) : ايه؟ ظبالا دى

كلاوى : لا يابشمهندس بقولك ظباتا ظباتا...

احد الشباب: يعنى ايه ياض ظلبطة دى

_(كلاوي) :هاها.. واضح ان حضرتك عبيط لكن دمك خفيف لا يا بشمهندس ..دى اسمها ظباتا..ظبااته ..سعدتك...ظباتة
هيا بصراحه حلوه
حلوه بصحيح يعني
بجد حلوة حلوة
حلوة ولذيذة فعلا
احد الشباب : خلااااااااااااص ياض بقى
طاااااااااااااااااااااااااااااااااخ

كلاوى: يابشمهندس مش بوصفلك يعنى ايه ظباتا

بس على فكرة انتا لازم تكون نيتك صافيه الاول عشان تاكلها ياعني يا بشمهندسيين

انت عارف لو من هنا حلوا .......................... ربنا هيسهلك فيها
بس انتا ادعي بس


(لحظات صمت).. من احد الشباب................
(صمت قاتل)..................





(طااااااااااااااخ //كلاك )

_ (الزعيم) : (يصرخ في حده) هاتوه ه ه ه ه ه

هاتوا الحيوان الرغاى اللى بالع سحلية ده...



لمعرفه ماذا حدث لكلاوي
ابقوا معنا في الفصل الثــــــــــــانى..



الفصل الثاني :


كلاوي: ايه ده..ايه الضلمه دي
الزعيم: شيلو الكيس
كلاوي: (بيزعق) انتا مين يا عم ؟.انا هنا بعمل ايه؟



(كلاك)...............قفا مييري
كلاوي: تصدق بقي انا كان نفسي اجي هنا من زمان
ده انا من كتر حبي في المكان ده
قلتلهم نيجي نصيف هنا ده حتي مخزن يجنن و كله براميل مخلل
الزعيم:تصيف؟
ده عايز يصيف ...صيفوه
كلاوي : لا و الله ده كتير..ايه الحلاو.....(كلااااااااااااااااااااااااااااااا ااااا اك)
اه ه ه ه ه ه ه
(طاخ ) (طيخ) (طوخ)
(كلاك) (كلاك)...........................
ثم أغمي علي كلاوي
..

الحلم

ابتدي كلاوي يحس بأحساس خطير
و ابتدي يجمع قوته
و قعد يفتكر التدريبات القاسيه الي اتعرض ليها
و البت نوسه
و صحابه الاناتيم
شلبي تخه
و اشرف بلندح
و راجع كل حاجه في المكان الي هوه فيه

كلاوي : ايه الصوت ده

فـــــــــــــــــــ
فــــــــــــــــو
فــــــــــــــــــــوق
فــــــــــــــــوقو
فــــــــــــــــــــــوقـــــــــــــــــوه


(كلاك)........................................ ....

كلاوي : مين مين؟
الزعيم : امك
كلاوي : مالها
الزعيم : بتسلم عليك و بعتالك دي ....(كلاك)

كلاوي اتضايق
اتضايق قوي
كلاوي : انتا كمان بتجيب سيره امي
الزعيم :اه

فتره صمت ....عيون كلاوي بتحدق في عيون الزعيم

كلاوي : و ماله . زي امك بارضوا
الزعيم : ايه الظباتا دي ياض؟
كلاوي: و انتا عرفت منين الكلمه دي
(كلاك) .................
الزعيم : منك ياهبل
كلاوي : انا بتأكد بس .....
الظباتا دي سعدتك ..العمله الجديده
الزعيم: عمله
و طلعت امتي ياض
كلاوي : اول امبارح بلليل سعدتك
الزعيم : يعني ايه
كلاوي : ماهو هما اتنين سعدتك
الظباتا و السازونه
يعني ازازه البييييبس
ب 2 ظباتا .سعدتك

و الخمسين قرش بقت 50 سازونه سعدتك

(كلاك).............
وفي اللحظه دي ابتدي كلاوي يفتكر فخر الوطن
و امجاد المحاربين القدماء
و جده العظيم كلاوي الاول الي شارك و حرر مصر من الهكسوس
و جده كلاوي التاني الي حارب مع صلاح الدين
و حرر القدس في فيلم احمد مظهر
و افتكر فيلم فيروز لما العصابه خطفوها و حطوها في اوضه فيها تليفون

و ابتدي يسمع اصوات في مخه
اغاني وطنيه ..و الحماس اشتعل فقلبه
و مصر هيا امي
نيلها جوه دمي
بتصرف بالظباتا
تشتري البطاطا

و
ياتجبلي شاكالاته يا بلاش يا وله
روح هتلي بالظباتا يابلاش يا وله

و فجأه و في وسط الملحمه العسكريه دي








............................((((كلاااااااااااااااا اك))))....................
و في حركه لولبيه كرويه معديه
راح لافف نفسه 360 درجه
ولف لفه و طير المسدس من يد الرجل الاول
و قفز قفزه و نزل طير المسدس من يد نفس الرجل
و ضرب برجله الرجل الثاني في فمه ضربه فقد فيها الرجل الوعي
و في نفس اثناء ضربه المسدس من الرجل الاول و ضرب الرجل الثاني في فمه
كان بيضرب الرجل الاول علشان يطير منه المسدس
و في اقل من جزء من الثانيه و بسرعه بديهه خرافيه
ارتدت يده لتمسك المسدس من الرجل الاول قبل ان يطلق الرصاصه
و حينها ذهب الزعيم و ركله ركله
ركله ركله يعني ها ..تمام يعني
و لكن كلاوي ارتد ككره من المطاط
و اداله ضربه موفقه
و بسرعه بديهيه قفز عاليا و نزل يركل المسدس من يد الرجل الاول

لغايه ما الراجل زهق و مسكه روقه
و لكن تدريب كلاوي الفولازي خلاه يتحمل اكتر من كده
و قفز عاليا و نزل يركل المسدس من يد الرجل الاول
و قفز قفزه اخري و راح علي الكوبس
و قطع الكهرباء علي الغرفه

و بمقدره كلاوي العجيبه و النادره في تقليد الاصوات

راح قايل بصوت الزعيم

افتحوا الباب

الزعيم و رجالته :.....نعم يا خويا
و راح قافز قفزه و ركل المسدس من يد الرجل الاول

راح الرجل الاول فاتح الكوبس
و نورت الغرفه
و لكن كلاوي لم يكن فيها
.ماذا حدث؟............. اين هو؟

انه اللغز...................





انتظروا الجزء الثالث...................لغز أختفاء كلاوي


إنضم معنا على الجروب الخاص بنا على الفيس بوك :

https://www.facebook.com/groups/egy4tec2/

والصفحة الخاصة بالشركة المصرية للهندسة والتكنولوجيا على فيسبوك هي :

https://www.facebook.com/egy4tec

يبدأ التدريب على الصيانة والهاردوير في المواعيد التالية :

http://www.egy4tec.com/forums/showthread.php?t=5994

محتويات كورسات الصيانة والهاردوير بالمصرية للهندسة والتكنولوجيا egy4tec:

http://www.egy4tec.com/center/lesson-1239-1.html











عرض البوم صور midotop   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:26 AM بتوقيت جرينيش


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.