لوحة الاعلانات

الإهداءات

آخر 20 مواضيع مثبته صناعة المازر بورد داخل أكبر مصانع الماذر بورد في العالم (الكاتـب : robinhood - )           »          قسم طلبات الكراك والسيريال <<<<< welecom (الكاتـب : عماد ابوالوفا - )           »          مواعيد بداية الكورسات الجديدة . . (الكاتـب : Webmaster - )           »          كل شيئ عن أنظمة Linux & Unix نأمل من الجميع المشـاركه . (الكاتـب : العمده نت - )           »          حل مشكله بطاريه الافوميتر للأبد . . بخمسة جنيه فقط . . (الكاتـب : robinhood - )           »          كيفية تعريف أي كارت شاشة أو صوت أو شبكة وجميع مكونات المزر بورد (الكاتـب : robinhood - )           »          صور نادرة للكون توضح هيبة وعظمة الخالق‏ . (الكاتـب : a - )           »          موسوعه اعطال وإصلاح المازربورد بالتفصيل .. أكثر من 100 عطل. . (الكاتـب : kano - )           »          جميع المواقع وفهرس كامل للانترنت وكل شىء تتخيلة للنت موجود هناا؟؟؟ مهم جدا !شئ خيالي (الكاتـب : مؤيد - )           »          ملتقى المتدربين (الكاتـب : somsom - )           »          المصحف المجود المرمز بالألوان نسخة الكترونية بمواصفات رائعة بالصور (الكاتـب : العمده نت - )           »          شرح مفصل لدوائر المازربورد بالصور .. (الكاتـب : robinhood - )           »          صيانة بوردة الهارد ديسك الاسموس من البداية للنهاية (الكاتـب : robinhood - )           »          دورات صيانة احترافية للمازربورد واللابتوب وشاشات الكريستال والطابعات وماكينات التصوير (الكاتـب : a - )           »          دورات صيانة المزربورد والشاشات والتلفزيون والطابعات والهاردديسك واللابتوب وكذلك صيانة الطابعات... (الكاتـب : admin - )           »          دورات صيانة المزربورد والشاشات والطابعات وماكينات تصوير المستندات، واللابتوب وكذلك صيانة الطابعات... (الكاتـب : جناب الكوماندا المهم - )           »          شرح شحن سوفت الرامات على المبرمجه بالصورة. , (الكاتـب : kano - )           »          دورة صيانة مازر بورد وLCD وشاشات ولابتوب وطابعات من egy4tec.com (الكاتـب : جناب الكوماندا المهم - )           »          كورسات ودورات صيانه مازربورد وشاشات LCD وطابعات وهارد ديسك من egy4tec.com (الكاتـب : جناب الكوماندا المهم - )           »          كيفية وضع المشاركات بالمنتدى (الكاتـب : aldomiaty - )



المنتدى العام لكل المواضيع يختص بكافة الموضوعات التي لا يمكن نسبها إلى المنتديات السابقة

 
قديم 10-22-2007, 10:13 PM   المشاركة رقم: 1
الكاتب
سلامة
Guest
المعلومات  
العضوية:
المشاركات: n/a
بمعدل : 0 يوميا
الإتصال


المنتدى : المنتدى العام لكل المواضيع
Wink


شاركنا الموضوع من فضلك لنشر الفائدة، واضغط مشاركة بالأسفل
Like

<div align="center">الأن أقدم لكم كلمات الرباعيات المطابقه


عجبى عليك عجبى عليك يا زمن
يا ابو البدع
يا مبكى عينى دماَ
ازاى انا اختار لروحى طريق
و انا اللى داخل فى الحياه مرغماً
عجبى



حاسب من الاحزان و حاسب لها
حاسب على رقابيك من حبلها
راح تنتهى و لابد راح تنتهى
مش انتهت احزان من قبلها
عجبى



مرغم عليك يا صبح مغصوب يا ليل
لادخلتها برجليه ولا كان لى ميل
شايلنى شيل دخلت انا فى الحياه
و بكره هخرج منها شايلنى شيل
عجبى



يأسك و صبرك بين ايديك و انت حر
تياس ما تياس الحياه راح تمر
انا دقت من ده و من ده عجبى لقيت
الصبر مر و بردك الياس مر
عجبي



يا باب أيا مقفول إمتى الدخول
صبرت ياما و اللي يصبر ينول
دقيت سنين و الرد يرجع لي مين
لو كنت عارف مين أنا كنت أقول
عجبى



دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت
عجبى




دخل الربيع يضحك لقانى حزين
نده الربيع على اسمى لم قولت مين
حتى الربيع ازهاره جنبى و راح
و ايش تعمل الازهار للميتين
عجبى




الدنيا من غير الربيع ميته
ورقة شجر ضعفانه و مفتته
لا يا جدع غلطان تأمل وشوف
زهر الشتا طالع في عز الشتا
عجبى




انا شاب لاكن عمرى ولا الف عام
وحيد ولاكن بين ضلوعى زحام
خايف ولاكن خوفى منى انا
اخرس ولكن قلبى مليان كلام
عجبى




لو فيه سلام في الأرض وأمان و أمن
لو كان مفيش و لا فقر و لا خوف و جبن
لو يملك الانسان مصير كل شئ
ده انا كنت اجيب للدنيا ميت ألف ابن
عجبى



سهير ليالي و ياما لفيت و طُفت
و ف ليه راجع في الضلام قمت شفت
الخوف كأنه كلب سد الطريق
و كنت عاوز أقتله بس خفت
عجبى



ولدي نصحتك لما صوتي اتنبح
ما تخفش من جني و لا من شبح
و ان هب فيك عفريت قتيل إسأله
ما دافعش ليه عن نفسه يوم ما اندبح
عجبى




يا طير يا عالي في السما طظ فيك
ما تفتكرشي ربنا مصطفيك
برضك بتاكل دود و للطين تعود
تمص فيه يا حلو و يمص فيك
عجبى




انا قولت كلمه و كان لها معيين
كما بطن واحده و تؤامين زين و شين
لو دنيا شر التؤام الخير يموت
ولو دنيا خير الشر هيعيش منين
عجبى



لا تجبر الانسان ولا تخيره
يكفيه ما فيه من عقل بيحيره
اللى النهارده يطلبه ويرضاه
هوه اللى بكره هيشتهى يغيره
عجبى



عبسا بقول و اقرا فى سوره عبس
متلومشى حد ان ابتسم او عبس
فى ناس تقول الهزل يطلع جد
وناس تقول الجد يطلع عبس
عجبى



يا عندليب متخفش من غنوتك
قول شكوتك و احكى على بلوتك
الغنوه مش هتموتك
انما كتم الغنا هوه اللى هيموتك
عجبى



تسلم يا غصن الخوخ يا عود الحطب
ييجي الربيع تطلع زهورك عجب
و انا ليه بيمضي ربيع وييجي ربيع
و لسه برضك قلبي حتة خشب
عجبى



كرباج سعاده وقلبي منه انجلد
رمح كأنه حصان و لف البلد
و رجع لي اخر الليل و سألني
ليه خجلان تقول انك سعيد يا ولد
عجبى



غمست سنك في السواد يا قلم
عشان ما تكتب شعر يقطر ألم
مالك جرالك إيه يا مجنون
و ليه رسمت ورده وبيت و قلب و علم
عجبى



قالوا الشقيق بيمص دم الشقيق
والناس ما هياش ناس بحق وحقيق
قلبي رميته وجبت غيره حجر
داب الحجر ورجعت قلبي رقيق
عجبى



ياللي انت بيتك قش مفروش بريش
تقوي عليه الريح يصبح ما فيش
عجبي عليك حواليك مخالب كبار
و مالكش غير منقار و قادر تعيش
عجبى



إنشد يا قلبي غنوتك للجمال
و ارقص في صدري من اليمين للشمال
ما هوش بعيد تفضل لبكره سعيد
ده كل يوم فيه الف الف احتمال
عجبى




جالك أوان ووقفت موقف وجود
يا تجود بده با قلبي يا بده تجود
ما حد يقدر يبقى على كل شئ
مع إن عجبي كل شئ موجود
عجبى



أنا اللي بالأمر المحال اغتوى
شفت القمر نطيت لفوق ف الهوا
طلته ما طلتوش، إيه انا يهمنى
وليه ما دام بالنشوة قلبي ارتوى
عجبى



غمض عينيك و ارقص بخفة و دلع
الدنيا هيه الشابة و انت الجدع
تشوف رشاقة خطوتك تعبدك
لكن انت لو بصيت لرجليك تـقع
عجبى



عينى رأت مولود على كتف أمه
يصرخ تهنن فيه ، يصرخ تضمه
يصرخ ،، تقول يابنى متنطق كلام
ده اللى ميتكلمش يا كتر همه
عجبى



العشب طاطا للنسايم و نخ
أخضر طرى مالهش في الحسن أخ
عصفور عبيط انا غاوى بهجه و غنا
ح انزل هنا و انشا لله يهبرنى فخ
عجبى



إنسان أيا إنسان ما أجهلك
ما أتفهك فى الكون و ما أضألك
شمس وقمر وسدوم وملايين نجوم
وفاكرها يا موهوم مخلوقة لك
عجبى



فتحت شباكى لشمس الصباح
ما دخلش منه غير عويل الرياح
و فتحت قلبي عشان ابوح بالألم
ما خرجش منه غير محبه و سماح
عجبى



ليه ياحبيبتي ما بينا دايماً سفر
ده البعد ذنب كبير لا يغتفر
ليه يا حبيبتي ما بينا ديماً بحور
أعدى بحر آلاقي غيره اتحفر
عجبى



بحر الحياه مليان بغرقا الحياه
صرخت خش الموج في حلقي ملاه
قارب نجاه صرخت قالوا مفيش
غير بس هو الحب قارب نجاه
عجبى



زحام و أبواق سيارات مزعجة
اللى يطول له رصيف يبقى نجا
لو كنت جنبى يا حبيبى أنا
مش كنت أشوف إن الحياة مبهجة
عجبى




يا ميت ندامه ع القلوب الخلا
لا محبة فيها و لا كراهه ولا
حتي يا قلبى الحزن ما عادش فيك
معلهش ، لك يوم برضه راح تتملا
عجبى



حبيت لكن حب من غير حنان
وصاحبت لـكن صحبه مـالهاش أمان
رحت لحكيم واكتر لقيت بلوتى
إن اللى جوه القلب مش ع اللسان
عجبى




آه لو انا و محبوبي جزنا الفضا
في سفينة وحدينا بأشيا رضا
ساعة صفا تعجبنا نرجع لها
و الهم قبل ما ييجي يبقي مضـى
عجبى



ورا كل شباك آلف عين مفتوحين
وانا وانت ماشيين يا غرامي الحزين
لو التصقنا نموت بضربة حجر
ولو افترقنا نموت متحسرين
عجبى




أنا كنت شئ و صبحت شئ ثم شــئ
شوف ربنا قادرعلى كل شئ
هز الشجر شواشيه ووشوشني قال
لابد ما يموت شئ عشان يحيا شئ
عجبى




أنا قلبى كان شخشيخة أصبح جرس
جلجلت به صحيوا الخدم والحرس
أنا المهرج قمتو ليه خفتو ليه
لا فى إيدى سيف ولا تحت منى فرس
عجبى




بلياتشو قال ايه بس فايده فنونى
وتلت وقق مساحيق بيلونونى
و الطبل و الزمامير وكتر الجعير
اذا جنون زبونى زاد عن جنونى
عجبى




يا حزين يا قمقم تحت بحر الضياع
حزين أنا زيك وإيه مستطاع
الحزن ما بقالوش جلال ياجدع
الحزن زى البرد زى الصداع
عجبى



الضحك قال يا سم عالتكشير
امشير و طوبه ولا ربيعى بشير
مطرح ما بظهر بانتصر على العدم
ان شاله اكون رسمايه بالطباشير
عجبى



أيوب رماه البين بكل العلل
سبع سنين مرضان وعنده شلل
الصبر طيب، وصبر أيوب شفاه
بس الأكادة مات بفعل الملل
عجبى



علم اللوع اضخم كتاب في الأرض
بس اللي يغلط فيه يجيبه الأرض
أما الصراحة فأمرها ساهل
لكن لا تجلب مال ولا تصون عرض
عجبى



سمعت نقطه ميه جوه المحيط
بتقول لنقطه ماتنزليش فى الغويط
أخاف عليكى م الغرق قلت انا
ده اللى يخاف م الوعد يبقى عبيط
عجبى



أنا قلبى كوره والفراودة أكم
ياما اتنطح وانشاط وياما اتعكم
واقول له كله حينتهى فى الميعاد
يقول بساعتك ولا بساعت الحكم
عجبى



خوض معركتها زي جدك ما خاض
صالب و قالب شفتك بامتعاض
هي كده ما تنولش منها الأمل
غير بعض صد ورد ووجع مخاض
عجبى



اوقات أفوق ويحل عني غبايا
واشعر كأني فهمت كل الخبايا
و افتح شفايفي علشان هقول الدرر
ما أقولش غير حبة غزل في الصبايا
عجبى



ولدي إليك بدل البالون ميت بالون
انفخ وطرقع فيه علي كل لون
عساك تشوف بعينك مصيرالرجال
المنفوخين في السترة و البنطلون
عجبى



ياللي نصحت الناس بشرب النبيت
مع بنت حلوه وعود وضحك وحديت
مش كنت تنصحهم منين يكسبوا
تمن ده كله و الا يمكن نسيت
عجبى

</div>


إنضم معنا على الجروب الخاص بنا على الفيس بوك :

https://www.facebook.com/groups/egy4tec2/

والصفحة الخاصة بالشركة المصرية للهندسة والتكنولوجيا على فيسبوك هي :

https://www.facebook.com/egy4tec

يبدأ التدريب على الصيانة والهاردوير في المواعيد التالية :

http://www.egy4tec.com/forums/showthread.php?t=5994

محتويات كورسات الصيانة والهاردوير بالمصرية للهندسة والتكنولوجيا egy4tec:

http://www.egy4tec.com/center/lesson-1239-1.html











عرض البوم صور سلامة   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ماتت بسبب المنتدى ده محمد سليـم منتدى الكوميديا والمرح 10 03-23-2010 03:16 AM
فينكو ياشباب المنتدى نسرين المنتدى العام لكل المواضيع 4 12-29-2007 09:57 AM
حصريا فيلم 1/8 دسته اشرار dvd لعيون المنتدي kokowal منتدى الأفلام المسرحيات والتسالي 2 10-31-2007 11:20 AM
افلام اسلامية لعيون المنتدي refat012 منتدى الأفلام المسرحيات والتسالي 2 03-16-2007 12:37 PM
لعيون الاعضاء سلسلة افلام الماتريكس...:::The Matrix Trilogy:::...مترجمة كل جزء رابط واحد الثلاث اجزاء refat012 منتدى الأفلام المسرحيات والتسالي 3 03-14-2007 03:00 AM


الساعة الآن 01:50 AM بتوقيت جرينيش


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.