لوحة الاعلانات

الإهداءات

آخر 20 مواضيع مثبته صناعة المازر بورد داخل أكبر مصانع الماذر بورد في العالم (الكاتـب : robinhood - )           »          قسم طلبات الكراك والسيريال <<<<< welecom (الكاتـب : عماد ابوالوفا - )           »          مواعيد بداية الكورسات الجديدة . . (الكاتـب : Webmaster - )           »          كل شيئ عن أنظمة Linux & Unix نأمل من الجميع المشـاركه . (الكاتـب : العمده نت - )           »          حل مشكله بطاريه الافوميتر للأبد . . بخمسة جنيه فقط . . (الكاتـب : robinhood - )           »          كيفية تعريف أي كارت شاشة أو صوت أو شبكة وجميع مكونات المزر بورد (الكاتـب : robinhood - )           »          صور نادرة للكون توضح هيبة وعظمة الخالق‏ . (الكاتـب : a - )           »          موسوعه اعطال وإصلاح المازربورد بالتفصيل .. أكثر من 100 عطل. . (الكاتـب : kano - )           »          جميع المواقع وفهرس كامل للانترنت وكل شىء تتخيلة للنت موجود هناا؟؟؟ مهم جدا !شئ خيالي (الكاتـب : مؤيد - )           »          ملتقى المتدربين (الكاتـب : somsom - )           »          المصحف المجود المرمز بالألوان نسخة الكترونية بمواصفات رائعة بالصور (الكاتـب : العمده نت - )           »          شرح مفصل لدوائر المازربورد بالصور .. (الكاتـب : robinhood - )           »          صيانة بوردة الهارد ديسك الاسموس من البداية للنهاية (الكاتـب : robinhood - )           »          دورات صيانة احترافية للمازربورد واللابتوب وشاشات الكريستال والطابعات وماكينات التصوير (الكاتـب : a - )           »          دورات صيانة المزربورد والشاشات والتلفزيون والطابعات والهاردديسك واللابتوب وكذلك صيانة الطابعات... (الكاتـب : admin - )           »          دورات صيانة المزربورد والشاشات والطابعات وماكينات تصوير المستندات، واللابتوب وكذلك صيانة الطابعات... (الكاتـب : جناب الكوماندا المهم - )           »          شرح شحن سوفت الرامات على المبرمجه بالصورة. , (الكاتـب : kano - )           »          دورة صيانة مازر بورد وLCD وشاشات ولابتوب وطابعات من egy4tec.com (الكاتـب : جناب الكوماندا المهم - )           »          كورسات ودورات صيانه مازربورد وشاشات LCD وطابعات وهارد ديسك من egy4tec.com (الكاتـب : جناب الكوماندا المهم - )           »          كيفية وضع المشاركات بالمنتدى (الكاتـب : aldomiaty - )



منتدى الكوميديا والمرح يختص بكل الروايات والقصص الكوميدية والتعليقات المرحة

 
قديم 07-21-2007, 12:10 AM   المشاركة رقم: 1
الكاتب
عضو برونزي *** *
المعلومات  
التسجيل: Feb 2007
العضوية: 27
المشاركات: 191
بمعدل : 0.04 يوميا
الإتصال محمد سليـم غير متواجد حالياً


المنتدى : منتدى الكوميديا والمرح
Exclamation


شاركنا الموضوع من فضلك لنشر الفائدة، واضغط مشاركة بالأسفل
Like


قصه جامده مووووووت جاتلى على الاميل فقلت لازم انزلها هنا على المنتدى اللى كل اصحابه واعضائه دمهم خفيف :

منقول والقصة دي مش بتاعتي انا ياجماعة بس بتاعت صديقة لينا دمها خفيف

الصديقة بتحكى حكايتها والصدمة اللى حصلتلها اتفضلو شوفوها وهى بتتكلم على حكايتها :

احممممممممم..مقدمة...عارفين ايه احساس واحده و هي ماشية في الشارع و تحس ان حد معجب بيها ..مش معاكسه يعني و كده .لأ بيبقى فيه كده كيميا زي مابيقولوا الأجانب .
.و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة . ..و قال البت دي واضح انها مؤدبة و متربية وراح خطبها ..هي صحيح بعد كده اتضح ان ايديها بتطول عليه في كل المواقف مش في الموقف ده بس .بس و الله الراجل مبسوط و بيحلف باليوم اللي شافها فيه..و بيلعن اليوم اللى فكر فيه انه يتجوز ...والا بلاش دي في مقام عمتي برضه


المهم أنا يوم نازله من البيت رايحه الشغل..حسيت بكيميا م اللي كنت بقولكم عليها دي ..حسيت ان فيه عين هتخرم قفايا .اتديرت بسرعه كده في الخباثة لقيتلكم راجل انما ايه ..طول بعرض بارتفاع.ماسك ف ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل .(احنا شباب المستقبل اهوقوام جينا ..هو ..هو "

فاكرينهم ؟..المهم الواد كان حليوة و انا قلبي كان هينط من الفرحة أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إنا ..و جه كمان قعد جنبي .... وانا بقول بقى يا حلولي يا حلولي..بس كنت خايفه ليعاكس و ساعتها أنا ماعرفش أبويا .باللي ف رجلي و لايهمني لا شباب المستقبل ولا نيلة ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده ومحترم وهى ريحة البرفان بتفحفح منه زى ريحة الملوخية اللى بعملها عندنا فى البيت ..........

...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك .بس برضه مش سهله يعني..صدرت الوش الخشب و قلتله ..خير بمناسبة ايه ؟

...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك

بيقولى حضرتك تاني يا حلولي...

والله الكلام ده مايتقالش في مواصلات ولا ميكروباص يافندم انت
و بعدين انا ماعرفكش و مش متعوده أكلم حد ماعرفوش .

.طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك

وانا بقول فى سرى بقى وفرحانه من كلامه .ياحلاوة ياحلاوة متابعني من زمان ..ده واقع بأه..بس برضه على مين ..لازم أثبت ..و الله لو حضرتك متابعني زي مابتقول تبقى عارف بيتي و عارف بابايا ..هو الوحيد اللي ينفع يتكلم
في المواضيع دي ..ولو سمحت ماتحرجنيش اكتر من كده ..

.الحقيقة انت كده أثبتيلي اني أحسنت الإختيار..

..ياسلام ياسلام..الله الله ..هو ده الكلام ..لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني . وقلت فى نفسى اخيرا هيجيلى عريس واتجوز بقى واسافر انجلترا عشان شكله عريس مترييش وغنى اوى ..

راح الواد بأه تباع الميكروباص راح شاخط فيا ومزعق في اللحظه دي .الأجرة يا أبله والا هتركبواببلاش يعنى دى حاجة تزهق

...يابن اللذينا ..دانا عماله أترسم من ساعتها تبعتر كرامتي كده ادام العريس اللى هيتقدمللى

؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي .

.لأ مايصحش .

.لأ بأه اسمحيلي .

.أنا لا يمكن أقبل واحده هاتقدملها تدفع و انا موجود ...وانا جوايا بقى عايزة ازغرط من فرحتى وخلاص اثبتللى انه .هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد بتوع جيل المستقبل ولا ايه نظامه بس الجواب بيبان من عنوانه.
شكله شاب غنى ومحترم ...

أول ما المكروباص وقف عند الشغل بتاعى لقيته نزل معايا في نفس المحطه و بصلي و قاللي .أنا حبيت أنقذك يعني في المكروباص .

.كان واضح قوي انك معكيش فلوس...

الدم ضرب في نافوخي..وله انت هتتمنظر عليا والا ايه ؟.

.راح قاللى :واضح ان شنطتك فاضية آخر الشهر بأه يالا وفرتلك أجرة المكروباص تنفعك

..بصتله بذهول كده ومش مصدقة و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 700جنيه..

قالي باستهزاء كده .لاااااماصدقش. انتى تمشى بالمبلغ ده .الدم كان خلاص قرب يطلع من نافوخي زي النافورة.
.رحت مطلعه كل اللي في المحفظه مورياهوله .أهه حتى شوف 50-100-200-220 -260


لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أهه

و في لحظه راح مطبقهم و حاطتهم في جيبه .

و قاللي انا هاخليهم معايا بأه سوفينير لحد لما آجيلكم البيت

..ماستوعبتش هو بيقول ايه و قبل ما آخد فرصة أقول كلمه واحده لقيت واحد بينده عليه وبيقوله يلا ياد ياعلى قلبت البت دى ولا لسة راح ناطط وركب ورا واحد على موتوسيكل شكله كده كان ماشي ورا المكروباص و هوا .فص ملح و داب


أختكوا بأه واقفه في وسط الشارع هابلةةةةةةةةةةة ..زي اللي اتدلق عليه جردل مايه مش نضيف من اللى بينضفوا بيه الغسيل
..مش عارفه أصوت والا أطلع أجري وراه والا ألطم على وشي ...فضلت واقفه يجي خمس دقايق في الشارع مش عارفه اروح فين والعربيات تقعد تزمرلي عمالة تزمرللى و لما تلاقيني مسهمة يقعدو يشتمونى ويقولوا في دي يا اما طارشه يا اما مجنونة يا اما م اللي بيبيعوا مناديل . يلا يابت انتى من هنا عايزين نروح شغلنا كتكو البلاوى وسعى عايزين نعدى .و الناس اللى بتعدى عمالين يبصوللى... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟ دى هبلة يابابا ردى عليا يماما ..


بعد شوية كده لفيت و دخلت المستشفى اللي باشتغل فيها .و على وشي تعبير كده زي تعبير العمده الآلي بتاع زمان ..دخلت المستشفى ..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك .فيه ايه؟...حد زعلك ..حد كلمك؟

من بين العياط و الشحتفه ما اقدرتش أقولهم غير كلمه واحده
............ ......... ......... ............ .......
............ ......... ......... ....
............ ......
اتسرقت يلهووووووووووووووووووووووووووووووووووووووووووووووو ووى




إنضم معنا على الجروب الخاص بنا على الفيس بوك :

https://www.facebook.com/groups/egy4tec2/

والصفحة الخاصة بالشركة المصرية للهندسة والتكنولوجيا على فيسبوك هي :

https://www.facebook.com/egy4tec

يبدأ التدريب على الصيانة والهاردوير في المواعيد التالية :

http://www.egy4tec.com/forums/showthread.php?t=5994

محتويات كورسات الصيانة والهاردوير بالمصرية للهندسة والتكنولوجيا egy4tec:

http://www.egy4tec.com/center/lesson-1239-1.html











توقيع : محمد سليـم

http://img401.imageshack.us/img401/8140/bebo2010lf9.gif

فى كتاب حياة كلا منا سطــــــور نتوقــف أمامهـــا@ نحتاج إلى من يشاركنا الرأى ولانحتاج الى من يجرح مشاعرنا ولا إحساسنا.......

[/b]

عرض البوم صور محمد سليـم   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
البنت إللي عايزة تتجوز تدخل هنا بسرعة فتافيت السكر المنتدى العام لكل المواضيع 0 07-14-2009 09:18 PM
بلعربي سندريلا عشان اكون صريح فيديو refat012 منتدى الأفلام المسرحيات والتسالي 0 03-15-2007 10:20 AM


الساعة الآن 05:28 AM بتوقيت جرينيش


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.