لوحة الاعلانات

الإهداءات

آخر 20 مواضيع مثبته صناعة المازر بورد داخل أكبر مصانع الماذر بورد في العالم (الكاتـب : robinhood - )           »          قسم طلبات الكراك والسيريال <<<<< welecom (الكاتـب : عماد ابوالوفا - )           »          مواعيد بداية الكورسات الجديدة . . (الكاتـب : Webmaster - )           »          كل شيئ عن أنظمة Linux & Unix نأمل من الجميع المشـاركه . (الكاتـب : العمده نت - )           »          حل مشكله بطاريه الافوميتر للأبد . . بخمسة جنيه فقط . . (الكاتـب : robinhood - )           »          كيفية تعريف أي كارت شاشة أو صوت أو شبكة وجميع مكونات المزر بورد (الكاتـب : robinhood - )           »          صور نادرة للكون توضح هيبة وعظمة الخالق‏ . (الكاتـب : a - )           »          موسوعه اعطال وإصلاح المازربورد بالتفصيل .. أكثر من 100 عطل. . (الكاتـب : kano - )           »          جميع المواقع وفهرس كامل للانترنت وكل شىء تتخيلة للنت موجود هناا؟؟؟ مهم جدا !شئ خيالي (الكاتـب : مؤيد - )           »          ملتقى المتدربين (الكاتـب : somsom - )           »          المصحف المجود المرمز بالألوان نسخة الكترونية بمواصفات رائعة بالصور (الكاتـب : العمده نت - )           »          شرح مفصل لدوائر المازربورد بالصور .. (الكاتـب : robinhood - )           »          صيانة بوردة الهارد ديسك الاسموس من البداية للنهاية (الكاتـب : robinhood - )           »          دورات صيانة احترافية للمازربورد واللابتوب وشاشات الكريستال والطابعات وماكينات التصوير (الكاتـب : a - )           »          دورات صيانة المزربورد والشاشات والتلفزيون والطابعات والهاردديسك واللابتوب وكذلك صيانة الطابعات... (الكاتـب : admin - )           »          دورات صيانة المزربورد والشاشات والطابعات وماكينات تصوير المستندات، واللابتوب وكذلك صيانة الطابعات... (الكاتـب : جناب الكوماندا المهم - )           »          شرح شحن سوفت الرامات على المبرمجه بالصورة. , (الكاتـب : kano - )           »          دورة صيانة مازر بورد وLCD وشاشات ولابتوب وطابعات من egy4tec.com (الكاتـب : جناب الكوماندا المهم - )           »          كورسات ودورات صيانه مازربورد وشاشات LCD وطابعات وهارد ديسك من egy4tec.com (الكاتـب : جناب الكوماندا المهم - )           »          كيفية وضع المشاركات بالمنتدى (الكاتـب : aldomiaty - )



مواقف محرجة و كوميدية يختص بعرض المواقف المحرجة أو الكوميدية التي تحدث لنا في حياتنا اليومية

 
قديم 03-15-2008, 08:28 PM   المشاركة رقم: 1
الكاتب
عضو مشارك متميز ***
المعلومات  
التسجيل: Feb 2007
العضوية: 45
المشاركات: 127
بمعدل : 0.03 يوميا
الإتصال kazanova غير متواجد حالياً


المنتدى : مواقف محرجة و كوميدية
Cool


شاركنا الموضوع من فضلك لنشر الفائدة، واضغط مشاركة بالأسفل
Like

فــرح بلــدى


... من يومين امى وابويا كانوا معزومين على فرح فى البلد ( قرية يعنى ) ...
وعادى يعنى ابويا هاياخد امى ويروحوا صد رد على طول عشان دول ناس قرايبنا من بعيد ... بس لسوء حظى جالنا فى اليوم ده ضيوف .. ولازم امى تقعد معاهم ... عشان عيب يعنى ست البيت تنزل وفيه ضيوف فى البيت
ابويا لأمى : يعنى انا هاروح البلد لوحدى ولا ايه
امى : طب انا اعمل ايه يعنى ... اسيب الناس قاعدة وانزل ؟؟؟ ... وبعدين مش قرايبك دول ؟؟؟
ابويا متزمجرا : قصدك ايه يعنى ؟؟
انا اتيت مسرعا لانقذ الموقف : خلاص ياحاج هى ما تقصدش حاجة ... هى بارضو عندها حق يعنى وبعدين ...
ابويا : وانت ايه اللى حشرك يا بنى آدم انت ؟!!!
انا : ماهو اصل يعنى ...
امى : ايوة صحيح انت ايش اخششك انت ؟!!
انا : تصدقوا انا الحق عليا ... واستاهل ضرب القديمة !!
ابويا : طاب ياعم المصلح الاجتماعى .. جهز نفسك بقى عشان انت اللى هاتروح معايا البلد بدل امك ... مادام انت فنط اوى كدة !!
انا : انا ؟!!! ... انا مالى ياعم ... ده انا حتى ماعرفش حد من بتوع البلد دول هاروح اعمل ايه
امى : ماهى دى فرصة مناسبة عشان تتعرف عليهم ... بدل مانت ماتعرفش ولا نفر منهم كدة ... اهوه تنزل تقابلهم وتقعد معاهم شويه !!
انا : لالالالالالالالا ... ماينفعش خالص ده انا حتى النهاردة في ماتش لزيدان قدام ميونيخ ولازم اتفرج عليه ...
امى : زيدان مين ده كمان ؟؟ .... تلاقيه واحد من الصيع اللى انت رايح جاى معاهم طول الليل !!
ابويا : صحابه ايه بس ياحاجة ... زيدان ده لاعب برازيلى بيلعب فى ليون الفرنسى .. مش كدة يابنى ؟؟؟
انا : !!!!!!!!! ... تمام ... هو ده كلام الناس العاقلين !!
امى : هابقى اتفرجلك انا على زيدان بتاعك ده وابقى اقولك النتيجة لما تيجى !!
ابويا : يللا بقى خش البس عشان هاتيجى معايا !!
انا : هى عافية يعنى
ابويا : آه !!
انا : طب على فكرة بقى زيدان ده مش برازيلى ومش بيلعب فى ليون .. هه .. بس !!
ــــــــــــــــــــــــــــــــــــــــــــــــــ ــــــ
نزلت مع ابويا بعد ما صلينا العشا ... وركبنا اول تاكسى فى وشنا ولهف 15 جنيه على مشوار لا يتعدى الربع ساعة بحجة انه هايخرج برة المدينة ... تقولش مسافر شارم !!
المهم وصلنا البلد ... طبعا صوت الفرح واضح جليا للى معدى على الطريق كمان مش اللى جوة البلد بس ... مشيت انا وابويا لحد ما وصلنا لبيت العمدة ... والفرح كان فى الحوش الكبير بتاع بيت العمدة حيث الهواء الطلق ... وكانت سماعات الدى جى مرفوع صوتها الى اعلى درجة ... لدرجة انك تحس ان الدى جى مان بينافس دى جى مان تانى فى البلد اللى بعدينا .. !!
المهم دخلنا الفرح ... ابويا بدأ يسلم على الناس ستات ورجالة وانا عمال اسلم وراه .. ومش عارف ولا واحد ...
ابويا : سلم على عمك عبد الكريم ...
انا : مساء الخير يافندم ...
عبد الكريم وهو يحتضنى الشدة : ازيك ياواد يا حمادة .. والله كبرت اهوه ... ده انا كنت بجيلكوا البيت زمان وانت كنت لسه شبه سحلية الترعة !!
انا : حمادة !! .. وسحلية الترعة !! ... مرحب يا حاج عب كريم
اللى بعده
ابويا : ازيك يا أم سعيد ... اومال فين الحاج ابراهيم
ام سعيد : جاى يا خويا .. بس راح يقوم بالواجب مع شيخ البلد ..
انا بدورى : مساء الخير يا أم سعيد !!
ام سعيد : انت مين يا وله ... الواد ده مش تبع بلدنا ... ( وبدأت تقفشنى من كتفى ... تمهيدا لاعتقالى تقريبا !! )
ابويا متداركا الموقف : آ .. آه ... ده ابنى يا أم سعيد ... ايه قوام كدة نسيتيه ... مش فاكرة لما كنت بجيبهولكوا وهو عيل صغير ...
ام سعيد : يوه .. يقطعنى ... ازيك ياوله ... وازي امك
انا : بخير الحمد لله
ام سعيد : اومال امك ما جاتش ليه الفرح معاكوا ؟
انا متهكما : اصلها بتتفرج على زيدان !!
ام سعيد : مين ؟؟
انا : هه ؟ .. آ ... قصدى عندها ضيوف فى البيت
ام سعيد بتحاول تتذاكى : ضيوف ازاى ياوله .. اذا كان الناس كلها معزومة فى الفرح اهيه .. يبقى مين اللى عندكوا يا وله ؟!!
انا بعصبية : يا خالتى ضيوف من طرف عيلة ابويا .. هو احنا يعنى ما نعرفش ناس غيركوا فى الدنيا يعنى !!
ام سعيد : عيلة ابوك ؟؟ ... طاب يا خويا بالراحة .. تقولش يعنى عيلة قنصل الوز ... بلا وكسه !!

انا : بتقولى ايه يا وليه انتى ؟؟
ام سعيد : ولولوا عليك بدرى .. مين دى اللى وليه يا ابن المكعبلة انت ... انا من الاول وانا مش مستريحالك .. واديك طلعت فعلا واد ( جليل ) الادب ... وبدأت تمسك فى قميصى محاوله ان تضربنى بوكس !!
انا : لالالالالالالا .. ده انتى ماتعرفينيش .. ده انا صايع .. نزلى ايدك يا وليه انتى !!
ام سعيد : يارجاء .. يا خيرية .. يا سعاد
وحضر جميع نسوان الفرح الموقف ... طبعا عشان يوجبوا مع ام سعيد .. وكبر الموضوع وتدخل بعض الرجال ... وبدأت الستات تصوت لكن صوت الاغانى كان مغطى على صوتهم ... وبدأت الاطفال ( الغلسة ) تمارس هوايتها المفضلة فى الخناقات !!!
واختلط الحابل بالنابل وانا فى النص انا وام سعيد وهى ماسكانى وعماله تشد فيا وتصوت !!
ابويا قادم من بعيد بعد ما كان بيسلم على باقى العيلة : يا نهار اسود ... فى ايه ...
ام سعيد : ابنك عايز ربايه
ابويا : فعلا هو ناقص رباية !!
انا : !!!! .... انت بتهدى النفوس ولا ايه يا عم الحاج ؟؟!!
ابويا : طب خلاص خلاص يا ام سعيد سيبى بس الواد وحقك عليا انا ...
ام سعيد : اسكت انت كمان بدل ما اخدك مكانه !!
ابويا بقنعرة : تاخدى مين يا وليه يا مجنونة انتى .. انتى مش عارفه انتى بتكلمى مين ؟؟
انا محاولا التخلص من قبضة الستات : وده وقت فشخرة ياحاج !! ...
ابويا : انت تخرس خالص .. مش انت السبب فى المشكلة دى ... رايح تمسك فى خناق جاموسة صعرانه ..
ام سعيد : انا صعرانه ... يا أبو العبيط انت ... طب تعالى ..
ودخل ابويا الى نار جهنم برجليه ... وهات وخد على نغمات اغنية حكيم ... نـــــــــار نـــــــــار نـــــــــار ... انا قلبى قايد نار ... نار نار نار مكتوبلى اعيش فى نار
انا من على سرير المستشفى : نار نار نار .. انا قلبى قايد نار .. نار نار نار وحبيبى فايتنى فى نار
ابويا من على سرير المستشفى : اجمل احساس فى الكون ... انك تعشق بجنون .. وده حالى معاك !!


انا وابويا : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآه


إنضم معنا على الجروب الخاص بنا على الفيس بوك :

https://www.facebook.com/groups/egy4tec2/

والصفحة الخاصة بالشركة المصرية للهندسة والتكنولوجيا على فيسبوك هي :

https://www.facebook.com/egy4tec

يبدأ التدريب على الصيانة والهاردوير في المواعيد التالية :

http://www.egy4tec.com/forums/showthread.php?t=5994

محتويات كورسات الصيانة والهاردوير بالمصرية للهندسة والتكنولوجيا egy4tec:

http://www.egy4tec.com/center/lesson-1239-1.html











عرض البوم صور kazanova   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:37 PM بتوقيت جرينيش


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.