لوحة الاعلانات

الإهداءات

آخر 20 مواضيع مثبته صناعة المازر بورد داخل أكبر مصانع الماذر بورد في العالم (الكاتـب : robinhood - )           »          قسم طلبات الكراك والسيريال <<<<< welecom (الكاتـب : عماد ابوالوفا - )           »          مواعيد بداية الكورسات الجديدة . . (الكاتـب : Webmaster - )           »          كل شيئ عن أنظمة Linux & Unix نأمل من الجميع المشـاركه . (الكاتـب : العمده نت - )           »          حل مشكله بطاريه الافوميتر للأبد . . بخمسة جنيه فقط . . (الكاتـب : robinhood - )           »          كيفية تعريف أي كارت شاشة أو صوت أو شبكة وجميع مكونات المزر بورد (الكاتـب : robinhood - )           »          صور نادرة للكون توضح هيبة وعظمة الخالق‏ . (الكاتـب : a - )           »          موسوعه اعطال وإصلاح المازربورد بالتفصيل .. أكثر من 100 عطل. . (الكاتـب : kano - )           »          جميع المواقع وفهرس كامل للانترنت وكل شىء تتخيلة للنت موجود هناا؟؟؟ مهم جدا !شئ خيالي (الكاتـب : مؤيد - )           »          ملتقى المتدربين (الكاتـب : somsom - )           »          المصحف المجود المرمز بالألوان نسخة الكترونية بمواصفات رائعة بالصور (الكاتـب : العمده نت - )           »          شرح مفصل لدوائر المازربورد بالصور .. (الكاتـب : robinhood - )           »          صيانة بوردة الهارد ديسك الاسموس من البداية للنهاية (الكاتـب : robinhood - )           »          دورات صيانة احترافية للمازربورد واللابتوب وشاشات الكريستال والطابعات وماكينات التصوير (الكاتـب : a - )           »          دورات صيانة المزربورد والشاشات والتلفزيون والطابعات والهاردديسك واللابتوب وكذلك صيانة الطابعات... (الكاتـب : admin - )           »          دورات صيانة المزربورد والشاشات والطابعات وماكينات تصوير المستندات، واللابتوب وكذلك صيانة الطابعات... (الكاتـب : جناب الكوماندا المهم - )           »          شرح شحن سوفت الرامات على المبرمجه بالصورة. , (الكاتـب : kano - )           »          دورة صيانة مازر بورد وLCD وشاشات ولابتوب وطابعات من egy4tec.com (الكاتـب : جناب الكوماندا المهم - )           »          كورسات ودورات صيانه مازربورد وشاشات LCD وطابعات وهارد ديسك من egy4tec.com (الكاتـب : جناب الكوماندا المهم - )           »          كيفية وضع المشاركات بالمنتدى (الكاتـب : aldomiaty - )



مواقف محرجة و كوميدية يختص بعرض المواقف المحرجة أو الكوميدية التي تحدث لنا في حياتنا اليومية

 
قديم 03-15-2008, 08:21 PM   المشاركة رقم: 1
الكاتب
عضو مشارك متميز ***
المعلومات  
التسجيل: Feb 2007
العضوية: 45
المشاركات: 127
بمعدل : 0.03 يوميا
الإتصال kazanova غير متواجد حالياً


المنتدى : مواقف محرجة و كوميدية
Post إطلع برة ،، أنا إتعقدت .. حرام عليكم


شاركنا الموضوع من فضلك لنشر الفائدة، واضغط مشاركة بالأسفل
Like

بـــــــــــــــــــــــــرة


قاعد فى بيتنا فى احد ايام شهرنا الكريم ( رمضان ) بتفرج على احد مسلسلات هذا الشهر اللى بتنافس عدد مواد الصف الاول الثانوى واذا بى افاجأ بأبويا داخل عليا بمقشة من بتوع البلدية ولقيته بيقولى قوم ياض انت فذ !
انا : فى ايه ياحاج ؟!
ابويا : انت هاتفضل قاعدلى كدة من بعد البكالوريوس لاشغله ولا مشغلة وشوية صايع على القهاوى وشوية قدام المخروب ده ؟!
انا : وهو انا يعنى حد جابلى شغل وانا قلت لأ ياحاج ؟!
ابويا : آدينى جيبتلك شغل ياسيدى .. ومد يده بالمقشة عشان يديهالى !!

انا : ايه ده ياحاج ؟!
ابويا ( فى برود شديد ): ايه فى ايه ؟! .. خد المقشة دى وانزل قلب رزقك .. الشغل مش عيب !!
انا : كناس بلدية يابا ؟!!
ابويا : وفيها ايه مش بدل قعدتك كدة ؟!
انا : لالالالالا على جثتى .. لا يمكن ..

ابويا : خلاص مادام كدة اتفضل برة .. انا معنديش صيع يقعدوا فى البيت ..
انا : ايه ياحاج .. انت ماصدقت ولا ايه .. وقلتله على طريقة احمد حلمى : طب ادينى فرصة اتخانق ماهى دى مش اصول خناق يعنى !
ابويا : البيت فيه حريم وانا مش عايز افسدهم بواحد زيك ..

انا : حريم ايه ياعم انت ده هى امى اللى فى البيت .. انت خايف منى لااخلى امى تنحرف ؟!!
ابويا فى سره : وهى امك دى حريم بارضو .. ده انا كام شهر وهابعت اوراقها للمتحف الفرعونى !
انا : بتقول ايه ؟
ابويا مستدركا : لا مفيش ... بــــــــرة !

انا : طب افطر طيب وبعدين اطردنى ..
ابويا : قلت بـــــــــرة !
انا : طب اخد الموبايل طيب .. يمكن حد يرضى يعبرنى ويفطرنى عنده !
نزلت الشارع قبل الفطار بساعة بالبيجامة هايم على وجهى مش عارف اروح فين ؟؟

حاولت اتصل بالعديد من الناس عشان افطر وكدة يعنى .. فكانت الردود كالتالى : اصل انا مسافر والله النهاردة - امى عيانه وهاناكل اى حاجة النهاردة - مستعد بس تعالى على العشا كدة نكون احنا خلصنا الفطار !! ( هو انا شكلى متسول ولا ايه ؟! ) - وهلم جر !

فاتت الساعة والمغرب اذن عليا وانا فى الشارع فبصيت لقيت يافطة مكتوب عليها مائدة رحمن الحاج سعيد ابو نايف صاحب محلات ( الكيف غلاب ) !

فكرت وقلت طب وفيها ايه اما آكل فى موائد الرحمن ماهو كدة شحاته وكدة شحاته وبعدين بيبقى الاكل فيها كتير !
دخلت لقيت عدد الناس اكتر من عدد الاطباق اللى موجودة ! .. ده غير انى لقيت ناس ببدل قاعدين بياكلوا جنبى !

المهم قعدت وانطلقت داخل الاطباق فى منافسة حامية الوطيس مع اهل البيجامات امثالى حتى انتهينا من الاكل لدرجة ان الاطباق لم تكن تحتاج الى تنظيف بعد الاكل !

شوية وجه واحد بيه ميل عليا وراح مناولنى كيسه كبيرة ..
انا : ايه ده يابيه !
الراجل : دى بيجامة جديدة بدل اللى عليك دى ..

انا على طريقة امينة رزق البائسة : ربنا يخليك .. احنا صحيح غلابة بس مانشحتش من حد يابيه !
الراجل : امسك بس ...
وبعدها سألنى كذا سؤال عن اسمى واهلى وعنوانى واخيرا ..

الراجل : طب مش هاتسألنى البيجامة دى مقابل ايه يابو على ؟!
انا : والله انا كنت فاكرك عاملها من غير مقابل لله يعنى .. لكن اظاهر انك طلعت واطى .. أ أحم .. ليه يابيه !
الراجل : هاتاخد الكرتونه دى توزعهلنا وتيجى بعد اسبوع تدينا فلوسها وتاخد نسبتك فيها ياعم ..

انا عاملا على فتح الكرتونة : هى فيها ايه الكرتونة دى يابيه ؟ !
واذا بى افاجأ بـ ( صواريخ حشيش ) و ( سماسين بانجو ) !
الراجل : ها موافق ؟
انا بنفس الطريقة اللى رديت بيها على ابويا : لالالا .. على جثتى .. فهمتنى غلط ياسيد .. انا لا يمكن اعمل كدة !
الراجل بنفس الطريقة اللى ابويا طردنى بها من البيت : بــــــرة ......... وراح شادد منى البيجامة !
انا : هو انا كل مااكلم حد يقولى برة ؟! ... طب والله لابلغ عنك ... وعن ابويا بالمرة !
الراجل يشاور عليا من بعيد : هـــــاتـــوه !

************************************
التليفون يرن فى بيتنا .....
ابويا : الو ..
صوت : انت اللى اسمك سليم ابو خيشة ؟
ابويا : تمام ياباشا .. اى خدمة ؟
الصوت : احنا خطفنا ابنك وطالبين فدية ( 17 جنيه ) !!!!!!!!!
ابويا : والمطلوب ؟
الصوت : المطلوب ايه ياعم انت ؟ ... بقولك طالبين فدية 17 جنيه !

ابويا : طب نتفاوض .. مش شايف ان المبلغ كبير حبتين !!!!!!!!!!!!!!!!
انا من خلف الراجل اللى بيكلم ابويا فى التلفون : يابابا مستخسر فيا 17 جنيه ماتدفعله ياجدع انت .. طب ادفعله وهابقى اديهملك لما اطلع .. خلى عندك دم بقى ياحاج !

ابويا : انت بتشتمنى ؟! .. طب مش دافع ! ....... وراح قافل السكة !

الرجل وهو يدفعنى بعيدا عنه كى يستطيع اكمال المكالمة : الو .. الو .. قفل السكة !
الراجل : ابوك ده واطى قوى !

انا : مانا عارف .. المهم ان انت اتأكدت من كدة بنفسك ... انا قلتلك من الاول ده راجل جلدة ومش هايدفعلك حاجة ..
الراجل : طب قوم معايا ..
انا : على فين ياعم ؟
الراجل : هانروح نسرق شقة ابوك !

انا مبديا الاقتناع التام : ينصر دينك .. ده كلام الناس العاقلين .. يلا خلينا نبقى مجرمين على حق بقى !
الراجل : اصلك صعبت عليا اوى ! ...... وقعد يعيط وانا اقوله خلاص بقى ماتعملش فى نفسك كدة انا هاجيبلك حقك منه !!!!!!!!!

تانى يوم رحنا لحد الشقة ودخلنا البيت من البلكونه .. لان ابويا حاطط على الباب خمسة اقفال مع اننا ساكنين فى الدور الارضى .. يعنى الشباك على الشارع !

وبعد ساعة من اللف والدوران فى الشقة دون فائدة .. قلت لنفسى مادام مفيش فلوس يبقى اصحى ابويا واعرفه ان فى حرامى فى الشقة .. وبكدة اضمن عودتى للبيت مرة تانية .. ماهو مابقاش فشلت فى سرقة البيت .. وكمان مطرود منه !

المهم دخلت على ابويا وهو نايم وبيشخر بأحلى سيمفونية لعبده الحامولى ...
انا : بابا ... بابا ... اصحى ياحاج فى حرامى فى الشقة .. وانا جيت مخصوص عشان انقذك !

ابويا بعد مافاق وجمع : هو فين ؟!!!!!!!! .. اوعى يكون خد الجلابية اللى على الحبل !!!
انا : جلابية ؟!! .. هى دى اغلى حاجة عندك ؟! ...... انا دلوقتى بس عرفت انا ليه فشلت فى السرقة !

ابويا : انا مش فاهم منك حاجة .. عموما انا هاتصل بالبوليس ...
وجاء البوليس والحمد لله بعد ساعتين بعد ان كان الراجل زهق من كتر البحث وانا زهقت من كتر التمثيل عليه انى بدور معاه .. فى حين ان ابويا كان نام وقالى لما البوليس ييجى ابقى صحينى !

والحمد لله قبض البوليس على الراجل .. وحاول كثيرا ان يقنع البوليس انى معاه .. لكن والحمد لله ابويا شهد معايا ( اول مرة ينصفنى الراجل ده ! ) ... وطلعت منها والحمد لله وابويا قالى خش يابنى بيتك ومطرحك !

انا : كدة ياحاج تطردنى من البيت من غير فطار حتى !
ابويا : خلاص بقى حصل خير واوعدك انها ( مش هاتتكرر تانى ) ........ قولى بقى ...... هـا ..... نويت على ايه هاتشتغل الشغلانه اللى انا جيبتهالك ولا لأ ؟!

انا متصنعا النسيان : شغلانة ايه يابا ؟ ...
ابويا وهو يمد يده ليه بالمقشة : كنــــــــــاس البلديـــــــــــــــة !
وكان ردى هو نفسى ردى السابق ... ووالدى ايضا كان رده هو نفس رده السابق : بــــــــــــــــــــــــــرة !

قاضى المحكمة : حكمة المحكمة ببراءة المتهم جمال سليم ابو خيشة من تهمة قتل ابوة سليم ابو خيشة .. حيث انه كان فى حالة دفاع عن حقه الشرعى !

امى : الله اكبـــــــر .. الله اكبـــــــــــــر .. ربنا يخليك ليا يابنى ياللى جايبلى حقى .. ياللى عملت فيا وفى البشرية اكبر معروف فى حياتك
عسكرى السجن وهو يدفعنى الى خارج الحجز بعد حصولى على البراءة : بــــــــــــــــــــرة !

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ ه


إنضم معنا على الجروب الخاص بنا على الفيس بوك :

https://www.facebook.com/groups/egy4tec2/

والصفحة الخاصة بالشركة المصرية للهندسة والتكنولوجيا على فيسبوك هي :

https://www.facebook.com/egy4tec

يبدأ التدريب على الصيانة والهاردوير في المواعيد التالية :

http://www.egy4tec.com/forums/showthread.php?t=5994

محتويات كورسات الصيانة والهاردوير بالمصرية للهندسة والتكنولوجيا egy4tec:

http://www.egy4tec.com/center/lesson-1239-1.html











عرض البوم صور kazanova   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حرام عليكى ياستى .. اسكتى شوية .. محمد سليـم منتدى الكوميديا والمرح 4 03-10-2011 12:08 PM
السلام عليكم TAHER LEGEND منتدى البرامج المشروحة 0 09-29-2009 02:55 AM
باللة عليكم افيدوني america منتدى المشاكل والحلول 2 08-28-2009 12:32 PM
مش حرام mohamed mostafa 87 المنتدى الإسلامى العام 7 08-02-2008 11:16 AM
السلام عليكم يا اهل المنتدى همسات المنتدى العام لكل المواضيع 5 04-05-2007 12:58 PM


الساعة الآن 06:36 PM بتوقيت جرينيش


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.