اتعلم كيفية عمل الفورمات للهارد بطرق المحترفين

[ahmedAelian]

<div align="center">بسم الله الرحمن الرحيم
===========

الدرس دة
بناخذ نبذبة عن اذاي تفرمت الهارد
وتقسمة الي بارتشنات
قد يعتقد البعض ان الموضوع صعب
ولازم يبقي فية مهندس و و الخ...
طبعا دي اوهام الحوار سهل جدا جدا جدا
بس محتاج فهم بس
وعلي فكرة في بعض الناس بيعتقدوا ان انت لازم تفرمت الهارد وتقسمة الي بارتشنات
في نفس الوقت يعني العمليتين دول متصلين علي العكس تماما العمليتين منفصلتين
يعني انت ممكن تفرمت الهارد من غير ما تقسمة الي بارتشنات
وممكن تقسم الهارد من غير ما تفرمتة
بس معظم الناس بتفضل تفرمت الهارد قبل ماتقسمة لان عملية تقسيم الهارد
وهو في بيانات عملية طويلة وتاخذ كتير من الوقت
علي عكس تقسيم الهارد وهو فارغ
سهلة مبتخدش خمس دقائق
علي العموم تابع وانت تتعرف اكتر

***********
اولا :فرمت الهارد

**********
طيب قبل ما نباد لازم نعرف حاجة
هناك نوعين من الformat
اللي بيتعامل معاهم الاكس بي هما
Fat32 و ntfs
اه الفرق بين الاتنين النوع الاول ده يستحسن انه يستخدمة في نوع الهاردات اللي هي
بتعتمد في نقل البيانات علي كبل data
اما النوع التاني بيفضل استخدامة في الهاردات اللي بتعتمد في نقل البيانات علي كبل
sata
طيب الوندوز اكس بي بيتعرف علي نظامين الفرمتة وبيشتغل عليهم بس نسخ 98 و mel
مبيتعرفوش علي نظام الفورمات التاني يعني نفترض مثلا ان انت عندك اربع بارتشنات
اتنين نظامهم fat32
والاتنين التانين ntfs
لو انت منزل 98 او mel
هتلاقي بارتشنين بس اللي ظاهرين عندك
اما لو انت من مستخدمين الاكس بي هتلاقي الاربعة طيب اكيد الحكاية كدة وضحت
نظام الفيستا بيقرا نظام الملفات fat32
بس البارتشن اللي بينزل علية الفيستا لازم يكون نوع الفورمات اللي
فية
ntfs
*************

طرق الفرمتة:

*******

1-هناك طرق كثيرة للفرمتة ومعدودة ممكن تفرمت من الاسطوانة البوت بتاعت الوندوز
لما تيجي حضرتك تسطب نسخة وندوز هتلاقي انك ممكن تفرمت البارتشن بتاع النسخة
دي اول طريقة ممكن نفرمت بيها
2-وممكن تفرمت من الوندوز نفسة
تروح للبارتشن اللي انت عايز تفرمتة ودوس كليك يمين
واختار FORMAT واختار نوع الفرمتة
3-وممكن تفرمت بعدة برامج ولكن اهمها واشهرها partion magic
نزل البرنامج وسطبة هتلاقي البارتشنات اللي عندك ظهرت عند تشغيل البرنامج
دوس كليك يمين هتلاقي فورمات دوس عليها اختار نوع الفرمتة و دوس Apply Change
خلي بالك لو انت هتفرمت بالبرنامج في بئة الوندوز مش ممكن تفرمت البارتشن اللي
علية الوندوز يعني انا عندي الوندوز علي c مستحيل افرمت ال c وانا شغال علي الوندوز
عشان كدة في حالة فرمت الهارد بالكامل لازم نفرمت بالطريقة القادمة
4-من خلال partion magic في بيئة الدوس
يعني اه الطرق السابقة بتعتمد ان يكون عندك وندوز شغال ما عدا الطريقة الاولي
طيب انا معنديش نسخة وندوز اعمل اية في اسطوانة عالمية للصيانة اسمها هيرون
في فيها معظم برامج الفرمتة الهاردات بجانب برامج اخري متعددة الاسطوانة دي
بتشتغل بووت يعني من الدوس بس طريقة الفرمتة هي هي نفس الطريقة كليك يمين
وكدة طيب حد يقولي كليك اذاي احنا علي الدوس اقولة البرنامج البراتشن ماجيك
لما بيشتغل علي الدوس بيبقي عبارة عن شاشة رسومية تشبة الوندوز يعني الماوس
هيكون شغال فيها
5-انا بفضل هذة الطريقة لو عندك اسطوانة نسخة Mel
دخلها وجيب الدوس اللي في الاسطوانة واكتب الامر ده
Format C:النقتين بعد حرف c
معناها انك عايز تفرمت البارتشن اللي اسمة السي
وهكذا لباقي البارتشنات
اخر حاجة عايز اقولها في الجزئية دي ان نظام اللينكس او اليونكس
لي نوع اخر من الفورمات ext2 اوext3
المهم احنا هنتكلم علي نظام فورمات اللينكس
بعد كدة

************

ثانيا:تقسيم الهارد

**********

كما قولنا في الاول الناس فاكرين ان الجزئين الفرمت والتقسيم شئ واحد
اه السبب في الاعتقاد السابق
السبب انك انت عشان تقسم الهارد من غير ما تفرمت عملية صعبة وتاخد وقت
طويل جدا مع احتمال انك تفقد بعض البيانات عند التقسيم فعشان كدة
الكل بيفضل انة يقسم الهارد وهو فاضي بعد عملية الفورمات عشان العملية بتبقي اسهل
واسرع بكثييييييييييير
طيب نشوف طرق التقسيم
1-عن طري برنامج partion magic
بس خلي بالك هناك ملاحظة هامة جدا لو انت عايز تقسم الهارد الاساسي للكمبيوتر
لازم تشتغل بالبرنامج من الدوس
امنا لو انت تقسم هارد غير الهارد الاساسي ممكن تشغل البرنامج من الوندوز
2-الطريقة التانية وهي صعبة للمبتدئين
بس الطريقة دي ممكن تقسم وتفرمت ايضا الهارد من خلال الوندوز و من غير برامج
اذاي كليك يمن علي my coputer
اختار Manager
اختار من النافذة الجانبية Disk Management
هتلاقي البارتشنات ظهرتلك
طيب دي طرق التقسيم
طبعا هناك طرق اخري كثيرة
ولكن اشهر الطرق هي دي
اذاي تقسم بقي ؟؟؟؟؟؟؟؟
اولا لازم نعرف شوية معلومات عن كيفية التقسيم
طريقة التقسيم الهارد بتكون كلاتالي
1-primary Partitionيعني البارتشن الاساسي اللي حضرتك بتنزل علي الوندوز
اما باقي مساحة الهارد بتبقي ExtenDed Partition
الذي يحتوي بدورها علي عدد من البارتشنات صغيرة تسمي
Logical Partition
مثال :
انا عندي هارد 80 جيجا
اوك عايز اقسمة انا هعمل بارتشن النسخة 10جيجا واربع بارتشنات فرعية
يعني انا هعمل البارتشن الاساسي (primary Partition)
10جيجا وال(ExtenDed Partition)حوالي 70 جيجا
بيتفرع منة اربع بارتشنات (Logical Partition)
مساحتهم كالتالي 20 .20 .20 .10
يعني انا دلوقتي عندي خمس بارتشنات
الاول الاساسي 10جيجا
وباقي البارتشنات
20 .20 .20 .10
طيب مصطلحات لازم تعرفها وهي موجودة في اي برنامج للتقسيم او فرمتة الهاردات
Format Partition
معناها ازالة البيانات كلها من علي البارتشن
Creat Partition
معناها عمل بارتشن وغالبا الخطوة دي بيجي بعديها تحديد نوع فورمات البارتشن
وتحديد مساحة البارتشن
Delet Partition
معناها امسح البارتشن ودي في حالة تقسيم الهارد بتمسح البارتشنات كلها وبعدين بتعمل الخطوة
السابقة Creat Partition لعمل البارتشنات

</div>

إنضم معنا على الجروب الخاص بنا على الفيس بوك .. إبحث عنا بإسم:
" دورات احتراف صيانة المازر بورد والطابعات والأحبار واللابتوب " وانضم إلينا بالضغط على العلامة بالأسفل ..

شاركنا الموضوع من فضلك لنشر الفائدة، واضغط لايك بالأسفل

Like

توقيع : ahmedAelian

<div align="center">http://www.dalooo3a.com/deen/noor/da3wa/56111a19f6.gif</div> <div align="center">لم يولـد الانسان متعلم ولكن خـلق لكى يتعـلم</div>